বিশেষ বাৰ্তা, ২৮ মেঃ ছচিয়েল মিডিয়াত ভাইৰেল হৈ পৰিছে এটা ভিডিঅ’। এগৰাকী কইনাই ট্ৰেক্টৰত উঠি উপস্থিত হৈছে বিয়াত। আচহুৱা যেন লগা এই ঘটনাটো মধ্যপ্ৰদেশৰ বেতুলৰ। ভিডিঅ’টোত ভাৰতী তাগৰে নামৰ কইনাগৰাকীক ক’লা চশমা পিন্ধি ট্ৰেক্টৰত উঠি বিয়াৰ মণ্ডপত প্ৰৱেশ কৰা দেখা গৈছে। ট্ৰেক্টৰখনত কইনাৰ লগত আছে তেওঁৰ দুজন ভাতৃ। কইনাৰ প্ৰৱেশে বিয়াত উপস্থিত সকলোকে আচৰিত কৰি তুলিছে।
A bride in Betul arrived at her wedding on a tractor. The bride, Bharti Tagde, is seen entering the wedding pavilion wearing black glasses and riding a tractor. On the tractor, she is accompanied by her two brothers @ndtv @ndtvindia pic.twitter.com/apdqrIBvyA
— Anurag Dwary (@Anurag_Dwary) May 27, 2022
বেতুল জিলাৰ জাভৰা গাঁৱত কালি সন্ধিয়া অনুষ্ঠিত হৈছিল এই বিয়াখন। ভাৰতীয়ে কয় যে কইনাই দোলনা, পাল্কি বা গাড়ীত উঠি অহা ধাৰাটো পুৰণি হৈছে আৰু তেওঁ নিজৰ বিয়াত বেলেগ কিবা এটা কৰিব বিচাৰিছিল। চলিত বৰ্ষৰ আৰম্ভণিতে হাৰিয়ানাৰ আম্বালাত বিয়া এখনত এগৰাকী কইনাই ঘোঁৰাত উঠি, হাতত তৰোৱাল লৈ দৰাৰ ঘৰলৈ গৈ দৰাৰক বিয়া কৰাই আহিছিল।