বিশেষ বাৰ্তা, ৭জুনঃ জনপ্ৰিয় ঢোল বাদক বিতোপন দুৱৰাই নিজ কৃতিত্বৰে জিনিলে নেবকছৰ বিশেষ ৰাষ্ট্ৰীয় বঁটা ৷ “১৫তম বাৰ্ষিক নেবকছ নেচনেল এৱাৰ্ড ২০২২ ” অনুষ্ঠানত মহানগৰীৰ জ্যোতি চিত্ৰবনত শিল্পীগৰাকীলৈ আগবঢ়োৱা হয় এই উষ্ম সন্মান ৷ বহুজন গণ্যমান্য ব্যক্তিৰ উপস্থিতিত বিতোপন দুৱৰাক এই বঁটা প্ৰদান কৰে ভ্ৰাম্যমাণ থিয়েটাৰৰ বিশিষ্ট অভিনেতা চম্পক শৰ্মাই ৷ সাংস্কৃতিক মুখৰ পৰিবেশেৰে আয়োজিত অনুষ্ঠানটোত সভাপতি, জনপ্ৰিয় সাংস্কৃতিক কৰ্মী গগনাষ্টম গগৈৰ সহযোগত শিল্পী বৰ্ণালী বৰদলৈয়ে আঁত ধৰি বিতোপনৰ এই কৃতিত্বক শলাগ লয় ৷ বিতুপন দুৱৰাইও এই বঁটা ৰাইজৰ মৰম আৰু আপোনতাৰ বাবেই লাভ কৰিবলৈ সক্ষম হোৱা বুলি কৈ আগন্তুক দিনত অধিক উদ্যমেৰে কাম কৰি যাব বুলি সংকল্পবদ্ধ হয় ৷ একেটা অনুষ্ঠানত চম্পক শৰ্মা, মৃদুল ভূঞা, ৰবি শৰ্মাক প্ৰমূখ্য কৰি সমাজৰ ভিন্নজন সফল ব্যক্তিক বঁটা প্ৰদান কৰা হয় ৷ নেবকছৰ সভাপতি গগনাষ্টম গগৈৰ সবল নেতৃত্বত উদ্যাপন হোৱা এই বৰ্ণাঢ্য অনুষ্ঠানত “বৰলুইলত” নামৰ এখনি ৰঙীন সচিত্ৰ মুখপত্ৰও উন্মোচন কৰা হয় শিল্পী বিদ্যাসাগৰ বৰাৰ দ্বাৰা ৷ বিতোপন দুৱৰাৰ এই সাফল্য স্বাভাৱিকতে শিল্পী সমাজ আৰু গৃহ জিলা ডিব্ৰুগড়ত উছাহৰ ঢৌ উঠিছে ৷
প্ৰেৰক বিভাস দুৱৰা