বিশেষ বাৰ্তা, ১৩ জুনঃ সামৰণি পৰিল নগাঁৱৰ একমাত্ৰ ছোৱালীৰ উচ্চ শিক্ষানুষ্ঠানৰ যুৱ মহোৎসৱ ৷ নগাঁও ছোৱালী মহাবিদ্যালয়ৰ যুৱ মহোৎসৱ ২০২২ৰ সামৰণি উপলক্ষে সোমবাৰে মুকলি সভা আৰু বঁটা বিতৰণী সভাখন অনুষ্ঠিত হয় ৷ মহাবিদ্যালয়ৰ প্ৰেক্ষাগৃহত অনুষ্ঠিত সভাখনত নগাঁও সদৰ সমষ্টিৰ বিধায়ক ৰূপক শৰ্মা উপস্থিত থাকে ৷ বিধায়কজনে মহাবিদ্যালয়ৰ ছাত্ৰীৰ সৈতে মত বিনিময়ো কৰে ৷ মুকলি সভাত মহাবিদ্যালয়ৰ পৰিচালনা সমিতিৰ সভাপতি ড° তোষেশ্বৰ নাথ, অধ্যক্ষ ড° বলীন কুমাৰ ভূঞা, জিলা আৰক্ষী অধীক্ষক লীনা দলে, মহাবিদ্যালয়ৰ উপাধ্যক্ষা কল্পনা ভট্টাচাৰ্য আদি উপস্থিত থাকে ৷
প্ৰেৰক কনক হাজৰিকা