নিয়মীয়া বাৰ্তা, ২৮ জুনঃ আজি পুৱাভাগত তৈলনগৰী দুলীয়াজানত সংঘটিত হয় এক ভয়ংকৰ পথ দূৰ্ঘটনা। এখন ট্ৰেইলাৰ বাহনৰ চেপাত থিতাতে নিহত হয় এজন যুৱক। নিহত যুৱকজন সৌৰভ দত্ত বুলি জানিব পৰা লগতে যুৱকজন ষ্টেট বেংক বকুলনী চাৰিআলি শাখাত কৰ্মৰত আছিল। যুৱকজনৰ প্ৰকৃত ঘৰ পশ্চিমবংগৰ দক্ষিণ ২৪ পৰগনাসত। প্ৰাপ্ত খৱৰ অনুসৰি যুৱকজনে কৰ্মস্থলীলৈ AS 06 AB 4267 নম্বৰৰ পালচাৰ বাইকেৰে গৈ থকা সময়তে দুলীয়াজান জয়ানগৰত উক্ত দূৰ্ঘটনাতো সংঘটিত হয়। পাছত স্হানীয় লোকৰ খৱৰৰ ভিত্তিত ঘটনাস্হলীত দুলীয়াজান আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে ডিব্ৰুগড় মেডিকেললৈ প্ৰেৰণ কৰে ।
প্ৰেৰকঃ কৃষ্ণা গগৈ