আন্তঃনাহৰকটীয়া দ্বৈত বেডমিণ্টন প্ৰতিযোগিতাত দেৱজিত বৰগোহাঁই-পল্লৱ মহন্ত চূড়ান্ত বিজয়ী
নিয়মীয়া বাৰ্তা, ১৬ আগষ্ট : নাহৰকটীয়া ফ্রেণ্ডছ ক্লাৱৰ সৌজন্যত আৰু নাহৰকটীয়া বেডমিণ্টন এচচিয়েচনৰ উদ্যোগত কালি নিশা নাহৰকটীয়া ইণ্ডোৰ ষ্টেডিয়ামত এখন আন্তঃ নাহৰকটীয়া দ্বৈত বেডমিণ্টন প্ৰতিযোগিতা অনুষ্ঠিত হৈ যায়। স্থানীয় বিধায়ক তৰংগ গগৈৰ দলকে ধৰি মুঠ ১৩ টাকৈ দলে অংশগ্ৰহণ কৰা প্ৰতিযোগিতাখনৰ চূড়ান্ত খেলখনত তীব্ৰ প্ৰতিদ্বন্দীতাৰ অন্তত দেৱজিত বৰগোহাঁই আৰু পল্লৱ মহন্ত যুটিয়ে বিকিৰণ সোনোৱাল আৰু ৰিতেশ ভাৰতীয়া যুটিক ২১-১৮, ১৮-২১ আৰু ২১-১৬ পইণ্টৰ ব্যৱধানত পৰাজিত কৰি চূড়ান্ত বিজয়ীৰ খিতাপ অর্জন কৰে। খেলৰ শেষত বঁটাসমূহ বিতৰণ কৰে বিধায়ক তৰংগ গগৈ আৰু তেওঁৰ পত্নী বিদিশা গগৈয়ে।
প্ৰেৰক প্ৰাঞ্জল ভূঞা