নিয়মীয়া বাৰ্তা, ১৬ ছেপ্টেম্বৰ : জোনাইত বৃহস্পতিবাৰে নিশা আৰক্ষীয়ে অভিযান চলাই জব্দ কৰে ২ কেজি ৮ কিলোগ্ৰাম ভাং৷ লগতে আটক কৰে ভাং সৰবৰাহকাৰী চাৰিজন ব্যক্তিক৷ যোৱানিশা জোনাই থানাৰ ভাৰপ্ৰাপ্ত আৰক্ষী বিষয়া নেত্ৰকমল শইকীয়াৰ নেতৃত্বত এটা আৰক্ষীৰ দলে এক গোপন সূত্ৰৰ পম খেদি জোনাই ৰিগবি গাঁৱৰ পৰা এক বস্তা ভাংসহ চাৰিজন ব্যক্তিক আটক কৰিবলৈ সক্ষম হয়৷ আটক কৰা চাৰি সৰবৰাহকাৰী হল সোৰামনি ৰেগন, লক্ষ্মীনাথ পাৱ, জয় পাৱ আৰু বুলি পেগু৷ যোৱা কিছুদিনৰ পৰা উক্ত অঞ্চলত ভাং দৰে নিচাজাতীয় সামগ্ৰীৰ সৰবৰাহ হয় থকা বুলি এক খৱৰ আৰক্ষীয়ে লাভ কৰিছিল৷ যাৰ ফলত বৃহস্পতি বাৰে নিশা জোনাই আৰক্ষীয়ে অভিযান চলাই এক বস্তা ভাং সহ ব্যক্তি কেইজনক আটক কৰিবলৈ সক্ষম হয়৷ জোনাই মহকুমাত ড্ৰাগছ আৰু আন নিচাজাতীয় বিৰুদ্ধে আৰক্ষীৰ ধাৰাবাহিক অভিযান অব্যাহত আছে বুলি জানিবলৈ দিয়ে৷
প্ৰেৰক কৰবী দলে