নিয়মীয়া বাৰ্তা, ২৭ ছেপ্টেম্বৰ : শোণিতপুৰৰ বালিপৰাত আজি উপস্থিত হৈ বিজেপিৰ কাৰ্যকৰ্তাসকলৰ সৈতে এক বৈঠকত মিলিত হয় শোণিতপুৰৰ অভিভাৱক মন্ত্ৰী পীযুষ হাজৰিকাই। আজি দিনৰ ১০ জাত বালিপৰা-চাৰিদুৱাৰ পথস্থিত হৰ্ণবিল ল’জত অভিভাৱক মন্ত্ৰীজনে বালিপৰা ব্লক মণ্ডল, ৰঙাপৰা ব্লক মণ্ডল, ৰঙাপৰা নগৰ মণ্ডলৰ বিষয়ববীয়া, বিভিন্ন মৰ্চাৰ বিষয়ববীয়া আৰু কাৰ্যকৰ্তাসকলৰ সৈতে মত-বিনিময় কৰি সমষ্টিৰ কাম-কাজ, দলৰ সাংগঠনিক স্থিতি, দলীয় কাৰ্যপন্থা ইত্যাদিৰ প্ৰগতিৰ বুজ লয়। অনুষ্ঠানটোত তেজপুৰৰ সাংসদ পল্লৱলোচন দাস, ৰঙাপৰাৰ বিধায়ক কৃষ্ণ কমল তাঁতী, জিলা বিজেপিৰ সভাপতি বাটাছ ওৰাঙৰ লগতে জিলা, ৰাজ্যিক পৰ্যায়ৰ বিষয়ববীয়াসকলো উপস্থিত থাকে ।
প্ৰেৰক প্ৰাঞ্জল বৰা