বিশেষ বাৰ্তা, ১৭ ডিচেম্বৰঃ বশিষ্ঠ মন্দিৰৰ সমীপৰ পাহাৰীয়া এলেকাত আজি সন্ধিয়া প্ৰায় ৪.৪৫ বজাত সংঘটিত এক পথ দুৰ্ঘটনাত ৬জনকৈ লোক গুৰুতৰভাৱে আহত হয়। বশিষ্ঠ থানাই জনোৱা মতে এ এছ ০১ ই টি ৯৯৭২ নম্বৰৰ গাড়ীখন মন্দিৰৰ সমীপৰ পাহাৰীয়া পথেৰে আহি থকা অৱস্থাত নিয়ন্ত্ৰণ হেৰুৱাই বশিষ্ঠ নৈত বাগৰি পৰে। ঘটনাটোত গাড়ীখনত থকা ৬জন আৰোহীৰ ভিতৰত এজনৰ অৱস্থা অতি গুৰুতৰ বুলি আৰক্ষীয়ে জনাইছে। গাড়ীখন মন্দিৰৰ সমীপৰ বনভোজস্থলীলৈ অহা বুলি সন্দেহ কৰিছে আৰক্ষীয়ে। গাড়ীখন বৰ্তমানে উদ্ধাৰ কৰি আহত আৰোহীকেইজনক সমীপৰ বশিষ্ঠ আৰ্মী হাস্পতাললৈ উন্নত চিকিসাৰ বাবে প্ৰেৰণ কৰিছে আৰক্ষীয়ে।