নিয়মীয়া বাৰ্তা, ২২ফেব্ৰুৱাৰী: গৰাকীবিহীন পথৰ কুকুৰৰ জাকে এটি ৫ বছৰীয়া শিশুক কামুৰি নেফানেফ কৰা ঘটনাক লৈ তীব্র চাঞ্চল্যৰ সৃষ্টি হৈছে৷ এই ঘটনাটো সংঘটিত হৈছে তেলেংগানাত৷ গৰাকীবিহীন কুকুৰবোৰক ৰখা আৱাসনৰ নিৰাপত্তাৰক্ষী হৈছে শিশুটিৰ পিতৃ৷ হঠাৎ শিশুটিয়ে এই আৱাসনৰ চৌহদত অকলে ফুৰিবলৈ লোৱাৰ সময়তে কুকুৰৰ জাক আহি শিশুটিৰ ওপৰত জঁপিয়াই পৰে৷ কুকুৰৰ কামোৰ আৰু আঁচোৰত মুহূর্ততে শিশুটিৰ মৃত্যু হয়৷ এই ঘটনাৰ ভিডি’ই এতিয়া দেশৰ সংবাদ মাধ্যমত জ্বৰ তুলিছে৷ তেলেংগানাৰ নিজামাবাদত কুকুৰৰ কামোৰত প্রাণ হেৰুওৱা শিশুটিৰ নাম প্রদীপ৷