নিয়মীয়া বাৰ্তা, ২১ এপ্ৰিল:ঃ কংগ্রেছসহ বিৰোধীয়ে হিণ্ডেনবার্গ প্রতিবেদনক লৈ আদানিৰ বিৰুদ্ধে তদন্তৰ দাবী জনাই থকাৰ সময়তে আজি মুম্বাইস্থিত বাসগৃহত এনচিপিৰ মুৰব্বী শাৰদ পাৱাৰক সাক্ষাৎ কৰে বিলিয়নাৰ গৌতম আদানিয়ে৷ উল্লেখ্য যে হিণ্ডেনবার্গ প্রতিবেদনক লৈ উদ্যোগপতি গৌতম আদানিৰ পক্ষত থিয় দিয়াৰ বাবে আজি শাৰদ পাৱাৰক বাসভৱনত সাক্ষাৎ কৰে উদ্যোগপতিজনে৷ এই সাক্ষাতক লৈ ৰাজনৈতিক মহলত তীব্র আলোড়নৰ সৃষ্টি হৈছে৷ মুম্বাইৰ ছিলভাৰ অকস্থিত পাৱাৰৰ বাসগৃহত আদানিৰ সৈতে প্রায় দুঘণ্টা আলোচনাত মিলিত হয় এনচিপিৰ মুৰব্বীজন৷ শাৰদ পাৱাৰে আদানিৰ সৈতে মিলিত হোৱাত ৰাজনীতিয়ে নতুন মোৰ ল’ব পাৰে৷