ডুবাইৰ পৰা মুম্বাইলৈ আহি থকা ইণ্ডিগোৰ এখন বিমানত মাজ আকাশত কাৰ্গো হ’ল্ডত ধোঁৱা ধৰা পৰাৰ পিছতে বিমানখন সোমবাৰে সতৰ্কতামূলকভাৱে ৰাজকোট আন্তঃৰাষ্ট্ৰীয় বিমানবন্দৰত জৰুৰী অৱতৰণ কৰোৱা হয়।
ৰাজকোট বিমানবন্দৰ কৰ্তৃপক্ষই জনোৱা অনুসৰি, যাত্ৰীৰ সুৰক্ষাক অগ্ৰাধিকাৰ দি বিমানখনৰ পথ সলনি কৰি ৰাজকোটলৈ অনা হৈছিল।
ঘটনাৰ নিশ্চিতি দি ৰাজকোট বিমানবন্দৰৰ সঞ্চালক দিগন্ত বৰাই কয় যে বিমানখন নিৰাপদে অৱতৰণ কৰিছে আৰু বিমানত থকা সকলো যাত্ৰী সম্পূৰ্ণ সুৰক্ষিত আছে।
তেওঁ লগতে জনায় যে ধোঁৱাৰ সতৰ্কবাণীৰ সঠিক কাৰণ জানিবলৈ বিমানখনৰ বিস্তৃত পৰিদৰ্শন চলি আছে। তদন্ত সম্পূৰ্ণ হোৱাৰ পিছতহে ধোঁৱা সৃষ্টি হোৱাৰ প্ৰকৃত কাৰণ স্পষ্ট হ’ব।
ডিজিটেল ডেস্ক, ২৭ জুলাই