নিয়মীয়া বাৰ্তা, ৩ মে’: সম্প্রতি ছৌদি আৰবৰ সৌন্দর্যৰ প্রশংসা কৰি ফেচবুকত পোষ্ট কৰিছে আর্জেণ্টাইন ছুপাৰ ষ্টাৰ লি’নেল মেছিয়ে৷ এইবাৰ সেই সৌন্দর্য উপভোগ কৰিবলৈ সপৰিয়ালে মৰুৰ দেশত উপস্থিত হৈছে মেছি৷ ফুটবলাৰগৰাকীয়ে তাত উপস্থিত হোৱাৰ পিছতে তেওঁৰ দল সলনিক লৈ আৰম্ভ হৈছে সৰৱ চর্চা৷ কোনো কোনোৰ মতে ছৌদিৰ আল হিলাল ক্লাবৰ প্রস্তাৱৰ প্রতি সঁহাৰি জনাই তাত উপস্থিত হৈছে মেছি৷ কিন্তু প্রকৃততে সেয়া সঁচা নহয়৷ আর্জেণ্টিনাৰ তাৰকাগৰাকী ছৌদি আৰবৰ পর্যটনৰ ব্রেণ্ড এম্বেছাডৰ৷ ছৌদি আৰবৰ পর্যটনমন্ত্রী আহমেদ আল খটিবে কয় যে ছৌদি পর্যটক দূত মেছি আৰু তেওঁৰ পৰিয়ালক আমন্ত্রণ জনাবলৈ পাই তেওঁ আনন্দিত৷ টুইটাৰত মেছিৰ পৰিয়ালৰ ছবি পোষ্ট কৰিছে মন্ত্রীগৰাকীয়ে৷ এখন ছবিত দেখা গৈছে এখন খেজুৰৰ বাগানত বহি আছে মেছি৷ লগত তেওঁৰ পত্নী আৰু সন্তান৷