ৰঙিয়াত কলকাতাৰ দক্ষিণেশ্বৰ মন্দিৰৰ আৰ্হিত নিৰ্মাণ হ’ব লগা মনোকামনা মন্দিৰৰ শিলান্যাস ভবেশ কলিতাৰ

নিয়মীয়া বাৰ্তা , ২৪ মে’ : ৰঙিয়াত সাৰ্বজনীন মনোকামনা মন্দিৰৰ শিলান্যাস । ৰঙিয়া নগৰৰ সৰস্বতী কলনিত নিৰ্মাণ হব লগীয়া মনোকামনা মন্দিৰৰ মাংগলিক কাৰ্যসূচীৰে শিলান্যাস কৰে স্থানীয় বিধায়ক তথা বিজেপিৰ ৰাজ্যিক সভাপতি ভবেশ কলিতাই । কলকাতাৰ দক্ষিণেশ্বৰ কালি মন্দিৰৰ আৰ্হিত এই মনোকামনা মন্দিৰটো নিৰ্মাণ কৰা হব । ধৰ্মপ্ৰাণ ৰাইজৰ বহু আকাংক্ষিত এই মন্দিৰটো এবছৰৰ ভিতৰত নিৰ্মাণ কৰা হব বুলি উদ্যোক্তাই জনায় । ভবেশ কলিতাই বিধায়ক পুঁজিৰ পৰা মন্দিৰটো নিৰ্মানৰ বাবে ১০ লাখ টকাৰ অনুদান আগবঢ়াব বুলি ঘোষণা কৰে । মন্দিৰৰ শিলান্যাস উপলক্ষে আয়োজিত অনুষ্ঠানটোত এক উৎসৱমুখৰ পৰিবেশে বিৰাজ কৰে ।

প্ৰেৰক :- ফাৰুক হুছেইন , ৰঙিয়া ।