- ঘটনাটো গাপ দিয়াৰ বাবে বিশেষ চক্ৰ সক্ৰিয় হৈ পৰাৰ সন্দেহ
নিয়মীয়া বাৰ্তা, ২৪ মে’: আজি বিয়লিৰ ফালে ধুবুৰী চহৰৰ মাজমজিয়াৰ বৰলুইতৰ যোগমায়া পাৰঘাটৰ পৰা আৰক্ষীয়ে ধপাত ভৰ্তী ট্ৰাক এখন জব্দ কৰা বুলি জানিব পৰা গৈছে। সন্দেহ অনুসৰি ভূয়া চালানেৰে পশ্চিমবংগৰ পৰা ধুবুৰীলৈ আহিছিল সেই এএচ১৭চি/৬২১৬ নম্বৰৰ সেই ধপাত ভৰ্তী ট্ৰাকখন। সেই সন্দেহত পাৰঘাটটোৰ পৰা আৰক্ষীৰ এটি দলে ট্ৰাকখন জব্দ কৰা বুলি প্ৰকাশ। আনুমানিক ভাৱে ৪শ কিলোগ্ৰাম ধপাত থকা বুলি সন্দেহ কৰা সেই ট্ৰাকখনৰ চালক আৰু সহকাৰীক আৰক্ষীয়ে বৰ্তমানে শোধপোচ চলাই থকা বুলি জানিব পৰা গৈছে। ইপিনে এক বিশেষ চক্ৰই সমগ্ৰ ঘটনাটো গাপ দিয়াৰ প্ৰয়াস চলাই থকা বুলিও স্থানীয় একাংশ মহলত ব্যাপক চৰ্চা লভাও পোৱা গৈছে।
অমিতাভ চক্ৰৱৰ্তী, ধুবুৰী,