বিশেষ বাৰ্তা, ১৯ জুন: বৰপেটাৰ প্ৰাক্তন বিধায়ক আব্দুৰ ৰহিম খানৰ আজি দেহাৱসান ঘটে ৷ বৰপেটাৰ দাবালীয়াপাৰাৰ নিজ বাসগৃহত আজি সন্ধিয়া প্ৰায় ৭ বাজি ৪০ মিনিটত শেষ নিশ্বাস ত্যাগ কৰে প্ৰাক্তন বিধায়কগৰাকীয়ে ৷ মৃত্যুৰ সময়ত তেওঁৰ বয়স হৈছিল প্ৰায় ৫৮ বছৰ ৷ উল্লেখ্য যে, বিগত কিছুদিন ধৰি জটিল ৰোগত আক্ৰান্ত হৈ আছিল খানে ৷ ২০১১ চনৰ বিধানসভা নিৰ্বাচনত এ আই ইউ ডি এফৰ পৰা বৰপেটাৰ বিধায়ক নিৰ্বাচিত হোৱা আব্দুৰ ৰহিম খানে পিচলৈ কংগ্ৰেছত যোগদান কৰিছিল আৰু বৰপেটা জিলা কংগ্ৰেছৰ সভাপতি হিচাপে দায়িত্ব গ্রহণ কৰিছিল ৷ কিন্তু কেইমাহমান পূর্বে তেওঁ পুনৰ এ আই ইউ ডি এফ দললৈ উভতি গৈছিল৷ কাইলৈ জানাজা সম্পন্ন কৰা হব আব্দুৰ ৰহিম খানৰ ৷