নিয়মীয়া বাৰ্তা, ২১ জুনঃ সমগ্ৰ ৰাজ্যৰ বিভিন্ন প্ৰান্তৰ সমান্তৰালভাৱে কালি শোণিতপুৰৰ ৰঙাপৰা বিধানসভা সমষ্টিৰ লোক্ৰাৰ বালিপৰা চাহ বাগিচাত ৰথযাত্ৰা অনুষ্ঠান সম্পন্ন হয় । বালিপৰা চাহ বাগিচাত অনুষ্ঠিত হোৱা ৰথযাত্ৰা অনুষ্ঠানৰ কাৰ্যসূচীৰ শুভাৰম্ভ কৰে ৰঙাপৰা সমষ্টিৰ বিধায়ক কৃষ্ণ কমল তাঁতীয়ে । অনুষ্ঠানটোত বিধায়কগৰাকীৰ লগতে বালিপৰা ব্লক মণ্ডল বিজেপিৰ সভাপতি ধ্ৰৱ গগৈ, চিলনী গাঁও পঞ্চায়তৰ সভাপতি দেনেশ্বৰ পাৱ, কাৰ্যকৰ্তা লচ্ছু প্ৰসাদ ছেত্ৰী, মানস প্ৰতিম দাস, নিৰঞ্জন তাঁতী, দীপ এক্কা, বিশ্ব চবৰ, বদ্ৰী প্ৰসাদ ছেত্ৰী, খেমৰাজ ছেত্ৰীৰ লগতে ভালেমান দলীয় কাৰ্যকৰ্তা, ভালেমান ভক্তিপ্ৰাণ লোক উপস্থিত থাকে । আনহাতে, বালিপৰা চাহ বাগিচাত বিধায়ক তাঁতীয়ে বিধায়ক পুঁজিৰ অধীনত (২০২২-২৩ বৰ্ষৰ) চাহ বাগিচাখনৰ জগন্নাথ মন্দিৰৰ কাষত এটা সামূহিক ভৱন নিৰ্মাণৰ আধাৰশিলা কাৰ্যকৰ্তা, ৰাইজৰ উপস্থিতিত স্থাপন কৰে ।
প্ৰেৰক প্ৰাঞ্জল প্ৰতিম