মহানগৰ বাৰ্তা, ২১ জুনঃ নাৰেঙ্গী সাতগাঁও সেনা শিবিৰত আজি বন্যহস্তী এটাই মুক্ত বিচৰণ কৰাক কেন্দ্ৰ কৰি আতংকময় পৰিবেশৰ সৃষ্টি হয় সেনা চৌহদত। জানিব পৰা মতে পুৱাৰ ভাগত আমচং অভয়াৰণ্যৰ পৰা প্ৰকাণ্ড বন্যহস্তী এটা খাদ্যৰ সন্ধানত ওলাই আহি সেনা শিবিৰ চৌহদত প্ৰৱেশ কৰে। বন্যহস্তী টো ওলাই আহি চৌহদৰ বিভিন্ন স্থানত মুক্ত বিচৰণ কৰি ফুৰে।খাদ্যৰ সন্ধানত বিচৰণ কৰি ফুৰা হাতীটোই আনকি ৰখাই থোৱা সেনাৰ গাড়ীত থকা কিছু সামগ্ৰী লণ্ডভণ্ড কৰে। অৱশ্যে কিছু সময় এনেদৰে মুক্ত বিচৰণ কৰাৰ অন্তত পুনৰ অভয়াৰণ্যৰ মাজলৈ উভতি যায় বন্যহস্তীটো।
প্ৰেৰক বিভাষ দাস