🔷 শিক্ষাৰ্থীৰ সৈতে মধ্যাহ্ন ভোজন গ্ৰহণ
নিয়মীয়া বাৰ্তা, ২২ জুনঃ শোণিতপুৰৰ বালিপৰাৰ নতুন আদাবাৰীত আজি নতুন আদাবাৰী চাহ বাগিচা আদৰ্শ বিদ্যালয় মুকলি কৰে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই । বিদ্যালয়খনৰ ছাত্ৰ-ছাত্ৰীসকলৰ সৈতে মধ্যাহ্ন ভোজনো গ্ৰহণ কৰে মুখ্যমন্ত্ৰীগৰাকীয়ে। লগতে ছেপ্টেম্বৰ মাহত বিদ্যালয়খনৰ ছাত্ৰ-ছাত্ৰীসকলক চিৰিয়াখানা দেখুৱাবলৈ নিব বুলিও কয় মুখ্যমন্ত্ৰীগৰাকীয়ে। মামাৰ সৈতে আহাৰ গ্ৰহণ আৰু মত বিনিময় কৰি উৎফুল্লিত হয় ছাত্ৰ-ছাত্ৰীসকল। একেদৰে মুখ্যমন্ত্ৰীগৰাকীয়ে বিদ্যালয়ৰ “আলোক ” নামৰ প্ৰাচীৰ পত্ৰিকাখনৰো শুভ উদ্বোধন কৰাৰ লগতে ৰাইজৰ লগতো মত বিনিময় কৰে। সংবাদ মাধ্যমৰ আগত তেওঁ কয় যে কাৰো ব্যক্তিগত স্বাৰ্থসিদ্ধিৰ বাবে সমষ্টি পুনৰ নিৰ্ধাৰণ কৰা নাই। সমষ্টি পুনৰ নিৰ্ধাৰণৰ ফলত অসমৰ খিলঞ্জীয়া ৰাইজ উপকৃত হ’ব । ভূপেন বৰাই আবোল-তাবোল বকে । আগৰ চৰকাৰসমূহে চাহ বাগিচাৰ বাবে একো নকৰিলে । উন্নয়ন আগতে ভিতৰৰ পৃষ্ঠাৰ বাতৰি আছিল, এতিয়া উন্নয়নৰ ফ্ৰণ্ট পেজত স্থান। তাৰ পিছতে মুখ্যমন্ত্ৰীগৰাকীয়ে সোণাবিলত উপস্থিত হৈ সোণাবিল চাহ বাগিচা আদৰ্শ বিদ্যালয়ৰো শুভাৰম্ভ কৰে।
প্ৰেৰকঃ প্ৰাঞ্জল প্ৰতিম