বিশেষ বাৰ্তা, ১৪ জুলাই : কামৰূপৰ দদৰাৰ ভৃগু কুমাৰ ফুকন প্ৰেক্ষাগৃহত উদ্ভাৱক ভৱেশ দাসে আজি আয়োজন কৰা এক অনুষ্ঠানত চন্দ্ৰযান-৩ উৎক্ষেপণৰ বিৰল দৃশ্য প্ৰদৰ্শন কৰে । অনুষ্ঠানত উদ্ভাৱক ভৱেশ দাস আৰু তেওঁৰ উদ্ভাৱক পুত্ৰদ্বয়ে মহাকাশত চন্দ্ৰযান উৎক্ষেপণৰ ইতিহাস সম্বলিত এক ডকুমেণ্টৰীৰ দৃশ্য প্ৰত্যক্ষ কৰি উপস্থিত সকলোৱে উৎফুল্লিত হৈ পৰে। অনুষ্ঠানত শিক্ষাবিদ পৰেশ বৈশ্য, শংকৰদেৱ শিশু বিদ্যা নিকেতন দদৰাৰ প্ৰধান আচাৰ্য পৰেশ দাসকে ধৰি বহুসংখ্যক ছাত্ৰ-ছাত্ৰী আৰু অভিভাৱক উপস্থিত থাকে। অনুষ্ঠানত উপস্থিতসকলে চন্দ্ৰযান-৩ উৎক্ষেপণৰ বিৰল দৃশ্য উপভোগৰ সুবিধা কৰি দিয়া বাবে ভৱেশ দাস আৰু তেওঁৰ ৰাষ্ট্ৰপতি পুৰস্কাৰপ্ৰাপ্ত পুত্ৰদ্বয় ক্ৰমে লহৰজ্যোতি দাস আৰু ৰক্তিম দাসক অশেষ ধন্যবাদ জনায়। উল্লেখযোগ্য যে লহৰজ্যোতি দাস আৰু ৰক্তিম দাস দুয়ো শংকৰদেৱ শিশু বিদ্যা নিকেতন, দদৰাৰ প্ৰাক্তন ছাত্ৰ। ইয়াৰ পূৰ্বেও পিতা-পুত্ৰই এনে বহুত কাৰ্যসূচী ৰূপায়ণ কৰি দদৰাবাসীক গৌৰৱাম্বিত কৰিছে ৷
প্ৰেৰক দিলীপ মেধি