বিশেষ বাৰ্তা, ২২ জুলাই : মালিগাঁও শাটেল গেটত এগৰাকী মহিলাৰ মৃতদেহ উদ্ধাৰ হয় । ৰে’ল লাইনৰ দাঁতিৰ জংঘলৰ মাজত উদ্ধাৰ হয় মহিলাগৰাকীৰ মৃতদেহ । ঘটনাক লৈ চাঞ্চল্য বিৰাজ কৰিছে। মহিলাগৰাকীয়ে চলন্ত ৰে’লৰ পৰা পৰি মৃত্যুক আঁকোৱালি ল’লে নে কোনো লোকে হত্যা কৰি পেলাই থ’লে, তাক লৈ ৰহস্যৰ সৃষ্টি হৈছে । এই পৰ্যন্ত আৰক্ষীয়ে লাভ কৰা নাই মহিলাগৰাকীৰ পৰিচয়। ৰে’ল লাইনৰ দাঁতিত মহিলাগৰাকীৰ মৃতদেহ উদ্ধাৰ হোৱা হেতুকে ৰে’ল আৰক্ষীয়ে মৰণোত্তৰ পৰীক্ষাৰ বাবে লৈ যায় মৃতদেহটো।