নিয়মীয়া বাৰ্তা, ১৪ আগষ্ট : স্বাধীনতা দিৱসৰ প্ৰাকক্ষণত মন্দিৰাত আৰক্ষীৰ সফলতা। বাহনসহ আৰক্ষীৰ অভিযানত জব্দ কৰে ৯টাকৈ চোৰাং গৰু। এই সন্দৰ্ভত দুজন লোকক আটক কৰে |বকো বালিঝাৰ অঞ্চলত আৰক্ষীৰ অভিযানত জব্দ হয় ডি-আই বাহনসহ ৯টাকৈ চোৰাং গৰু। আৰক্ষীয়ে দুজনকৈ সৰবৰাহকাৰীকো আটক কৰিবলৈ সক্ষম হয় | ধৃত দুই গৰু সৰবৰাহকাৰী ক্ৰমে বৰপেটাৰ কাচুমাৰা ম’হচৰাৰ ফুলচান আলী (২৬) আৰু মোছা আলী (২৫) | নিশা মন্দিৰা আৰক্ষীয়ে অভিযান চলাই জব্দ কৰিবলৈ সক্ষম হয় বাহনসহ চোৰাং গৰুকেইটা৷ গৰুকেইটা বহিঃৰাজ্যলৈ সৰবৰাহৰ উদ্দেশ্যে বালিঝাৰ গাঁৱৰ মাজেৰে সংগোপনে এখন নম্বৰবিহীন ডি-আই বাহনেৰে লৈ গৈ থকাৰ সময়তে আৰক্ষীৰ হাতত ধৰা পৰে গৰুসহ দুই সৰবৰাহকাৰী৷ আজি পুৱতি নিশা মন্দিৰা আৰক্ষী চকীৰ ভাৰপ্ৰাপ্ত আৰক্ষী বিষয়া শিশিৰ বসুমতাৰীৰ নেতৃত্বত যোৱা আৰক্ষীৰ এটা দলে লাভ কৰে এই সফলতা৷ পৰৱৰ্তী সময়ত আৰক্ষীয়ে জব্দকৃত গৰুকেইটা গোশালালৈ প্ৰেৰণৰ দিহা কৰাৰ লগতে ধৃত দুই সৰবৰাহকাৰীকো জে’ল হাজোতলৈ প্ৰেৰণৰ দিহা কৰে ৷
প্ৰেৰক সঞ্জীৱ কুমাৰ দাস