নিয়মীয়া বাৰ্তা, ১৭ আগষ্ট : আজি দুপৰীয়া নেলীৰ মকৰীয়াত ৩৭নং ৰাষ্ট্ৰীয় পথত সংঘটিত এক পথ দুৰ্ঘটনাত থিতাতে নিহত হয় এজন লোক। নিহত লোকজন মালিগাঁও ৰেলষ্টেচন ইউনিটৰ মুখ্য অভিযন্তা আনন্দ স্বৰূপ বুলি জানিব পৰা গৈছে। নিহত আনন্দ স্বৰূপৰ ঘৰ মুম্বাইত। চাকৰিৰ কৰ্তব্য সুত্ৰে ডিমাপুৰলৈ এ এচ ০১ কেচি ৯২৫৩ নম্বৰৰ ইনভা বাহনখনেৰে গৈ থকা অৱস্থাত নেলীত গাড়ীখনৰ চকা খূলি যোৱাত নিয়ন্ত্ৰণ হেৰুৱাই বাহনখনে তীব্ৰগতিত পথৰ কাষত ৰখাই থোৱা এখন ট্ৰাকত খুন্দা মাৰে। ফলত বাহনখনৰ সন্মুখৰ এফালৰ অংশ সম্পুৰ্ণ ধ্বংস হয়। দুৰ্ঘটনাতত গুৰুতৰভাৱে আহত ঘটনাস্থলীতে কৰুণভাৱে মৃত্যু ঘটে মালিগাঁও ৰেলষ্টেচন ইউনিটৰ মুখ্য অভিযন্তাজনৰ। দুৰ্ঘটনাটোৱে অঞ্চলটোত শোকৰ ছাঁ পেলাইছে। ঘটনাস্থলীত নেলী আৰক্ষী উপস্থিত হৈ অভিযন্তাজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে। অভিযন্তাগৰাকীৰ মৃত্যুত ৰেল বিভাগৰ বিষয়া কৰ্মচাৰীসকলে শোক প্ৰকাশ কৰিছে।
প্ৰেৰক হৰি প্ৰসাদ মল্লিক