বিশেষ বাৰ্তা, ২৮ আগষ্টঃ উত্তৰ প্ৰদেশৰ পিচিএছ বিষয়া জ্যোতি মৌৰ্য আৰু তেওঁৰ স্বামী আলোক মৌৰ্যৰ বিতৰ্কৰ সৈতে জড়িত আন এক খবৰ চৰ্চালৈ আহিছে। জ্যোতি মৌৰ্য আৰু তেওঁৰ স্বামী আলোক মৌৰ্যৰ মাজত এক চুক্তি সম্পন্ন হৈছে। নিষ্পত্তিৰ পিছত জ্যোতি মৌৰ্যৰ স্বামী আলোক মৌৰ্য তদন্ত সমিতিৰ সন্মুখত হাজিৰ হয়। প্ৰায় ডেৰ ঘণ্টা ধৰি তদন্ত সমিতিৰ কাৰ্যালয়ত উপস্থিত আছিল আলোক মৌৰ্য। আলোক মৌৰ্যই তদন্ত সমিতিক লিখিত আবেদন দি অভিযোগ প্ৰত্যাহাৰ কৰে। ইয়াৰ পিছত আলোক মৌৰ্যই কৈছে যে তেওঁ চিন্তা-চৰ্চা কৰি অভিযোগ প্ৰত্যাহাৰ কৰিছে। সূত্ৰ অনুসৰি উত্তৰপ্ৰদেশৰ একাংশ আমোলাই স্বামী-স্ত্ৰীৰ মাজত চুক্তি কৰিছে। স্বামী আলোক মৌৰ্যৰ পৰা অভিযোগ প্ৰত্যাহাৰ কৰাৰ পিছত এতিয়া আৰক্ষীত দিয়া অভিযোগ প্ৰত্যাহাৰ কৰিব পাৰিব এছডিএম জ্যোতি মৌৰ্যই। আলোক মৌৰ্যই অভিযোগ প্ৰত্যাহাৰ কৰাৰ পিছত তদন্ত সমিতিৰ প্ৰতিবেদন উপায়ুক্ত প্ৰয়াগৰাজলৈ প্ৰেৰণ কৰিব। এতিয়া চৰকাৰে এই বিষয়ত তদন্ত কৰিব নে নকৰে সেইটো সিদ্ধান্ত ল’ব। অৱশ্যে আলোক মৌৰ্যই অভিযোগ প্ৰত্যাহাৰ কৰাত জ্যোতি মৌৰ্য সকাহ পায়। আলোক মৌৰ্যই পিচিএছৰ পত্নী জ্যোতি মৌৰ্যৰ দুৰ্নীতিৰ অভিযোগ চৰকাৰক দিছিল। জ্যোতি মৌৰ্যই পিচিএছ বিষয়া হোৱাৰ পিছত কোটি কোটি মূল্যৰ সম্পত্তি বনোৱাৰ অভিযোগ উত্থাপন হৈছিল। আলোক মৌৰ্যই পত্নী জ্যোতি মৌৰ্যৰ বিৰুদ্ধেও হোমগাৰ্ড কমাণ্ডেণ্ট মনীষ ডুবেৰ সৈতে অবৈধ সম্পৰ্ক থকাৰ অভিযোগ উত্থাপন কৰিছিল। যৌতুক হাৰাশাস্তিৰ গোচৰ ৰুজু কৰিছে জ্যোতি মৌৰ্যই ধুমগঞ্জ থানাত। আলোক মৌৰ্যই কাৰ্যালয়ৰ অপব্যৱহাৰ আৰু দুৰ্নীতিৰ অভিযোগত ৩২ পৃষ্ঠাৰ ডায়েৰী দাখিল কৰিছিল। লাখ লাখ টকাৰ লেনদেনৰ সবিশেষ ডায়েৰীত লিপিবদ্ধ কৰা হয়। চৰকাৰৰ নিৰ্দেশমৰ্মে সংমণ্ডল আয়ুক্তই তিনিজনীয়া এখন তদন্ত সমিতি গঠন কৰিছিল। প্ৰয়াগৰাজ সংমণ্ডলৰ অতিৰিক্ত উপায়ুক্তক তদন্ত সমিতিৰ অধ্যক্ষ নিযুক্তি দিয়া হয়। প্ৰয়াগৰাজৰ এডিএম আৰু অতিৰিক্ত নগৰ দণ্ডাধীশো