বিশেষ বাৰ্তা, ২৯ আগষ্ট : গুৱাহাটী মহানগৰীত জালনোট সৰবৰাহকাৰী চক্ৰৰ দৌৰাত্ম অব্যাহত আছে। আজি দুই জালনোট সৰবৰাহকাৰীয়ে মহানগৰীৰ লখৰালৈ জালনোট আনি থকা অৱস্থাত আৰক্ষীৰ হাতত ধৰা পৰে। জানিব পৰা মতে, ছৰিফুল ইছলাম আৰু চাজাদুল ইছলাম নামৰ দুই ব্যক্তিয়ে এখন উবেৰ বাহন ভাৰাত লৈ জালনোটখিনি আনিছিল। মহানগৰীৰ লখৰাত ১০ লক্ষাধিক টকাৰ ৫০০ টকীয়া জালনোটসহ আৰক্ষীক হাতত আটক হয় দুই সৰবৰাহকাৰী। সৰবৰাহকাৰীদ্বয়ক আৰক্ষীয়ে বৰ্তমান অধিক তথ্যৰ বাবে সোধা-পোছা অব্যাহত ৰাখিছে।