নিয়মীয়া বাৰ্তা, ১ ছেপ্টেম্বৰ : নলবাৰী জিলাৰ দক্ষিণগাঁওত অৱস্থিত নলবাৰী মেডিকেল কলেজৰ প্ৰথম বৰ্ষৰ পাঠদানৰ আজি শুভাৰম্ভ কৰা হয় । শুভাৰম্ভ অনুষ্ঠানৰ আৰম্ভণিতে মেডিকেল কলেজৰ ছাত্ৰ-ছাত্ৰীসকলক শপত পাঠ কৰায় কলেজৰ অধ্যক্ষ ডাঃ বাবুল বেজবৰুৱাই । উদ্বোধনী ভাষণ দিয়ে মন্ত্ৰী জয়ন্ত মল্ল বৰুৱাই । উদ্বোধনী অনুষ্ঠানত উপস্থিত থাকে ড° পি আৰ যোশী, নলবাৰী জিলা আয়ুক্ত বৰ্ণালী ডেকা, জিলা আৰক্ষী অধীক্ষক সুধাকৰ সিং, গুৱাহাটী চিকিৎসা মহাবিদ্যালয় যুটীয়া সঞ্চালক ছইদ তনবীৰ আলম, নলবাৰী মেডিকেল কলেজৰ প্ৰাক্তন অধ্যক্ষ ডাঃ যোগেশ শৰ্মা, অধীক্ষক মাধৱ চন্দ্ৰ ৰাজবংশী, নলবাৰী শ্বহীদ মুকুন্দ কাকতি অসামৰিক চিকিৎসালয়ৰ যুটীয়া সঞ্চালক ডাঃ সুভাষ শৰ্মা।
প্ৰেৰক শ্বাহ আলম আহমেদ