বিশেষ বাৰ্তা, ৪ ছেপ্টেম্বৰঃ বিদ্যুতে জলাকলা খুৱাইছে ৰাইজক। সঘন লোডশ্বেডিঙে জনতাক এইহেন গৰমত ত্ৰাহি মধুসূদন সোঁৱৰাইছে। দিনটোৰ বেছিভাগ সময়তেই নাথাকে বিদ্যুত। যাৰ বাবে শক্তি বিভাগৰ বিৰুদ্ধে সৰৱ হৈ পৰিছে জনসাধাৰণ। বিদ্যুতৰ এই লুকাভাকুৰ বাবে মহানগৰীত শক্তি বিভাগৰ বিৰুদ্ধে প্ৰতিবাদ সাব্যস্ত কৰিছে আমছুৱে। আমছুৱে শক্তিমন্ত্ৰী নন্দিতা গাৰ্লোছাৰ পুত্তলিকা দাহ কৰি প্ৰতিবাদ সাব্যস্ত কৰে। মহানগৰীৰ ৰাজধানী মছজিদৰ সমীপত এই প্ৰতিবাদ সাব্যস্ত আমছু কৰ্মীৰ। আমছুৱে শক্তি বিভাগৰ অকৰ্মন্যতাক ধিক্কাৰ দিয়াৰ লগতে মুখ্যমন্ত্ৰী ড০ হিমন্ত বিশ্ব শৰ্মাক এই সন্দৰ্ভত ব্যৱস্থা লোৱাৰ দাবী জনাইছে।