🔹 ১৯খন ৰাজ্যৰ প্ৰতিযোগীক চেৰ পেলাই খিতাপ অৰ্জন
বিশেষ বাৰ্তা, ১৫ অক্টোবৰ : লখিমপুৰৰ ডানিয়াই লাভ কৰিছে ফ্লায়িং ফেমিনা খিতাপ। ফ্লায়িং ফেমিনা এজেন্সীয়ে অলপতে ৰাষ্ট্ৰীয় ভিত্তিত দিল্লীত আয়োজন কৰা এই সৌন্দর্য প্ৰতিযোগিতাত লখিমপুৰৰ ডানিয়াই দেশৰ ১৯খন ৰাজ্যৰ প্ৰতিযোগীক চেৰ পেলাই মিছ ফ্লায়িং ফেমিনা খিতাপ লাভ কৰিবলৈ সক্ষম হয়। ইয়াৰ পূৰ্বেও ডানিয়াই বহু প্ৰতিযোগিতাত অংশগ্রহণ কৰি মিছ নৰ্থ ইষ্ট ব্ৰেণ্ড এম্বেছাদৰ ২০১৯, মিছ উইনাৰ অৱ নৰ্থ লখিমপুৰ, গোৱাত মিছ স্পাৰ্ক ইণ্ডিয়া উইনাৰ ২০২২ আদি অসংখ্য খিতাপ অৰ্জন কৰিছে। লখিমপুৰ নগৰৰ কে বি ৰোড নিবাসী ফৰিদ ৰচুল আৰু মচবিনআৰা ৰচুলৰ কন্যা তথা বি বি একাডেমীৰ দ্বাদশ শ্রেণীৰ ছাত্রী ডানিয়াই সৰুৰে পৰাই সৌন্দর্যৰ ক্ষেত্ৰখনত ভৰি থৈ বৰ্তমান ৰাষ্ট্ৰীয় পৰ্যায়লৈকে ইটোৰ পাছত সিটোকৈ বহু খিতাপ দখল কৰিবলৈ সক্ষম হৈছে। ভৱিষ্যতে পঢ়াৰ সমানে সৌন্দর্যৰ ক্ষেত্ৰখনৰ জৰিয়তে বিশ্ব জয় কৰাৰ সপোন লৈ আগুৱাই গৈছে ডানিয়া।
প্ৰেৰক জীৱন গোস্বামী