🔴 সক্ৰিয় গুলীসহ ২টা পিষ্টল জব্দ
নিয়মীয়া বাৰ্তা, ১৫ অক্টোবৰ : দেওবাৰে দিনৰ প্ৰায় ২ বজাত উজনিমুৱা গুৱাহাটী-লিডু ইন্টাৰচিটী এক্সপ্ৰেছত অহা দুজনকৈ সন্দেহজনক ব্যক্তিক পিষ্টলসহ আটক কৰিবলৈ সক্ষম হয় ৰে’ল আৰক্ষীয়ে। এক গোপন সূত্ৰৰ তথ্যৰ ভিত্তিত তিনিচুকীয়া জি আৰ পি এফ এৰ এটা দলে ইন্টাৰচিটী এক্সপ্ৰেছত অহা দুই পিষ্টলধাৰীক লিডু ৰে’ল ষ্টেচনত আটক কৰে। ধৃত ব্যক্তি দুজন বোকাজানৰ অবিনাশ ধন (৩২) আৰু বিশ্বনাথৰ জিনজিয়াৰ নৰেশ গড় (৪২) বুলি জানিব পৰা গৈছে। ব্যক্তি দুজনৰ পৰা ৪জাঁই সক্ৰিয় গুলীসহ দুটা ৭.৬৫ এম এম লোডেত পিষ্টল উদ্ধাৰ কৰে । কি উদ্দেশ্যত লোক দুজন লিডুলৈ আহিছিল, সেই সম্পৰ্কে বাতৰি প্ৰস্তুত কৰা সময়লৈকে জানিব পৰা হোৱা নাই। সমগ্ৰ ঘটনাই লিডুত চাঞ্চল্যৰ সৃষ্টি কৰিছে।
প্ৰেৰক মানস প্ৰতিম গগৈ