🔹 ছ’চিয়েল মিডিয়াত ভাইৰেল দুই সাংসদৰ ছবি
বিশেষ বাৰ্তা, ১৭ অক্টোবৰ : উচ্চ শিক্ষিত তৃণমূল কংগ্রেছৰ সাংসদ মহুৱা মৈত্র আৰু কংগ্রেছ সাংসদ শশী থাৰুৰৰ নৈশভোজৰ ছবি ভাইৰেল হৈ পৰিছে ছ’চিয়েল মিডিয়াত৷ বিভিন্ন সময়ত বিলাসী জীৱন–যাপনৰ বাবে মহুৱা মৈত্র আৰু শশী থাৰুৰ সমালোচিত হৈ আহিছে৷ মহুৱাৰ অন্য দলৰ জনপ্রতিনিধিৰ সৈতে আছে ঘনিষ্ঠ বন্ধুত্ব৷ শেহতীয়াকৈ মহুৱা আৰু শশী থাৰুৰৰ নৈশভোজৰ ছবি ভাইৰেল হোৱাৰ লগে লগে বিষয়টোক লৈ সংবাদ মাধ্যমত ব্যাপক চর্চা চলিছে৷ থাৰুৰৰ সৈতে সুৰাপান কৰা, চিগাৰেট সেৱন কৰা মহুৱাৰ ছবিবোৰ ছ’চিয়েল মিডিয়াত ভাইৰেল হোৱাৰ পিছতে তৃণমূলৰ সাংসদগৰাকীয়ে এই ছবি ভাইৰেল কৰাৰ ক্ষেত্রত বিজেপিৰ হাত থকা বুলি অভিযোগ কৰিছে৷ মহুৱাই দাবী কৰা অনুসৰি, নৈশভোজত অন্য বহু লোক উপস্থিত আছিল৷ কিন্তু বিজেপিয়ে সকলোকে বাদ দি থাৰুৰৰ সৈতে তেওঁক ট্র’ল কৰা বুলি অভিযোগ কৰিছে৷ লক্ষণীয়ভাৱে চিগাৰেটৰ প্রতি আসক্তি থকা বুলি অকপটে স্বীকাৰ কৰিছে মহুৱা মৈত্রই৷