বিশেষ বাৰ্তা, ২১ অক্টোবৰ : লণ্ডনত চাৰি বছৰ ধৰি স্ব–নির্বাসিত হৈ থকা প্রাক্তন প্রধানমন্ত্রী নৱাজ শ্বৰীফ আজি পাকিস্তানলৈ ওভতে ৷ অল–আজিজিয়া মিলছ গোচৰত ৭ বছৰ কাৰাদণ্ডৰে দণ্ডিত, পাকিস্তান উচ্চতম ন্যায়ালয়ে দুর্নীতিৰ গোচৰৰ বাবে ২০১৮ চনত নির্বাচনত প্রতিদ্বন্দ্বিতাৰ পৰা নিষিদ্ধ কৰা পাকিস্তানৰ প্রাক্তন প্রধানমন্ত্রী নৱাজ শ্বৰীফে চিকিৎসাজনিত কাৰণত লণ্ডনৰ পৰা স্বদেশলৈ উভতি যোৱাৰ অনুমতি লাভ কৰাৰ পিছতে আজি নতুন ইছলামাবাদ আন্তর্জাতিক বিমানবন্দৰত চার্টাৰ্ড বিমানযোগে উপস্থিত হয়৷ বিমানবন্দৰত কিছু সময় কটাই লাহোৰলৈ যায় প্রাক্তন প্রধানমন্ত্রীজন৷ পাকিস্তান মুছলিম লীগ–নৱাজ (পিএমএল–এন)ৰ মুৰব্বী নৱাজ শ্বৰীফে স্বদেশলৈ উভতি অহাত দলে বিশাল সমদল উলিয়াব৷