🔹 প্ৰেমজনিত কাৰণতে ব্ৰহ্মপুত্ৰত জাঁপ যুৱকৰ
বিশেষ বাৰ্তা, ৩১ অক্টোবৰ : শৰাইঘাটৰ নতুন দলঙত এক অঘটন সংঘটিত হৈছে । শৰাইঘাটৰ নতুন দলঙৰ পৰা জঁপিয়ালে এজন যুৱকে । প্ৰেমজনিত কাৰণতে যুৱকজনে এই সিদ্ধান্ত লয় । হাফিজুৰ আহমেদ নামৰ যুৱকজনে প্ৰেমজনিত কাৰণতে শৰাইঘাট দলঙৰ পৰা জাঁপ দিয়ে। প্ৰতক্ষ্যদৰ্শীয়ে বাৰম্বাৰ বুজনি দিছিল যদিও যুৱকজনে জাঁপ দিয়ে ব্ৰহ্মপুত্ৰত। সমগ্ৰ দৃশ্য বন্দী হয় মোবাইলৰ কেমেৰাত । অৱশ্যে পাণ্ডু সদিলাপুৰৰ ঘাটত নদী আৰক্ষীয়ে অভিযান চলাই প্ৰাণৰক্ষা কৰে যুৱকজনৰ। নদী আৰক্ষীয়ে উদ্ধাৰ কৰি যুৱকজনক জালুকবাৰী আৰক্ষীক গতাই দিয়ে । আৰক্ষীয়ে যুৱকজনক চিকিৎসালয়লৈ নি চিকিৎসা প্ৰদান কৰে। যুৱকজনৰ ঘৰ বাইহাটা চাৰিআলিৰ বগলচ’কত বুলি জানিব পৰা গৈছে।