নিয়মীয়া বাৰ্তা ৩১ অক্টোবৰ : মৈৰাবাৰী ভিক্টোৰিয়া ক্লাৱৰ সৌজন্যত মৈৰাবাৰীৰ ইন্দিৰা খেলপথাৰত অনুষ্ঠিত হোৱা চলন্ত প্ৰাইজমানি ক্ৰিকেট প্ৰতিযোগিতাত মৈৰাবাৰী টাইটেঞ্চ ক্লাৱে চুড়ান্ত বিজয়ীৰ খিতাপ অৰ্জন কৰিবলৈ সক্ষম হয়। উক্ত ক্ৰিকেট প্ৰতিযোগিতাৰ ফাইনেলত মৈৰাবাৰী টাইটেঞ্চ ক্লাবে মৈৰাবাৰী কিং ৰাইডাৰ্ছক চাৰি উইকেটৰ ব্যৱধানত পৰাস্ত কৰে। প্ৰথমে বেটিং কৰিবলৈ আহি মৈৰাবাৰী কিং ৰাইডাৰ্ছ সংগ্ৰহ কৰা ১০৬ ৰানৰ লক্ষ্যত ছয় উইকেটৰ বিনিময়ত উপনীত হৈ মৈৰাবাৰী টাইটেঞ্চ ক্লাৱে বিজয় সাব্যস্ত কৰে। চুড়ান্ত খেলখন দুজন আম্পায়াৰ ক্ৰমে জাকিৰ হুছেইন আৰু ইছফান উদ্দিনয়ে পৰিচালনা কৰে । যোৱা ১৭ অক্টোবৰৰ পৰা মৈৰাবাৰী ভিক্ট’ৰিয়া ক্লাবৰ উদ্যোগত মৈৰাবাৰী ইন্দিৰা খেল পথাৰত অনুষ্ঠিত হোৱা প্ৰিমিয়াৰ লীগ ক্ৰিকেট টোৰনামেন্টত মুঠ পাঁচটা আগশাৰীৰ দলে যোগদান কৰিছিল।
প্ৰেৰক তাৰিকুল ইছলাম