নিয়মীয়া বাৰ্তা, ২১ ফেব্ৰুৱাৰীঃ বিশ্ব টেষ্ট চেম্পিয়নশ্বিপত অপৰাজেয় হৈ থকা টীম ইণ্ডিয়াই আজিৰে পৰা নিউজিলেণ্ডৰ বিৰুদ্ধে প্রথমখন টেষ্টত অৱতীর্ণ হৈছে ৷ ৱেলিংটনৰ বেছিন ৰিজার্ভত অনুষ্ঠিত হোৱা মেচখনত বিৰাট কোহলি নেতৃত্বাধীন দলটোৱে দীর্ঘদিনৰ মূৰত প্রকৃত প্রত্যাহ্বানৰ সন্মুখীন হোৱাটো নিশ্চিত৷
নিউজিলেণ্ড ভ্রমণত শেহতীয়াকৈ ভাৰতীয় ‘এ’ দলৰ হৈ অ’পেনাৰ শুভমন গিলে এটা দ্বি–শতক আৰু এটা শতক অর্জন কৰি টীম ইণ্ডিয়াৰ অ’পেনিঙৰ স্থান পূৰণৰ শক্তিশালী দাবীদাৰ হৈ উঠিছিল যদিও অধিনায়ক কোহলিয়ে পৃথ্বি শ্বৰ ওপৰত আস্থা প্রকাশ কৰিছে৷
ইফালে, বৰ্তমান সময়লৈকে প্ৰথমে বেটিং কৰি ভাৰতে ৫৫ অভাৰত ৫ টা উইকেট হেৰুৱাই ১২২ ৰান সংগ্ৰহ কৰি খেলি আছে ।
উল্লেখ্য যে বিগত বর্ষৰ পৰা আৰম্ভ হোৱা আই চি চি বিশ্ব টেষ্ট চেম্পিয়নশ্বিপত ভাৰতে এইপর্যন্ত খেলা ৭খন মেচৰ আটাইকেইখনতে জয় সাব্যস্ত কৰি মুঠ ৩৬০ পইণ্টেৰে শীর্ষস্থান অধিকাৰ কৰি আছে৷