বিশেষ বাৰ্তা, ১৫ নৱেম্বৰঃ আজি নতুন দিল্লীৰ পৰা বিহাৰৰ দৰভংগালৈ যোৱা এখন ৰে’লত ভয়ংকৰ অগ্নিকাণ্ড সংঘটিত হয়। উত্তৰ কেন্দ্ৰীয় ৰে’লৱেৰ বিষয়াৰ মতে, উত্তৰপ্ৰদেশৰ চৰাই ভূপাট ৰে’ল ষ্টেচনৰ সমীপত ০২৫৭০ নম্বৰৰ দৰভঙা ক্ল’ন স্পেচিয়েল ৰে’লত অগ্নিকাণ্ড সংঘটিত হয়। ষট পূজাৰ বাবে ৰেলখনত যথেষ্ট ভিৰ হৈছিল। অগ্নিকাণ্ডৰ ফলত যাত্ৰীসকলৰ মাজত আতংক বিয়পি পৰে। আটাইকেইজন যাত্ৰীক নিৰাপদে উলিয়াই অনা হৈছে। ৰেলখনত থকা এজন যাত্ৰীয়ে জনোৱা মতে, তেওঁ বহি থকা ঠাইত শ্বৰ্ট চাৰ্কিট হোৱাত এটা প্ৰচণ্ড শব্দ শুনা যায়। ইয়াৰ বাবেই ৰেলখনত অগ্নিকাণ্ড সংঘটিত হয়। যাত্ৰীজনে আৰু ক’লে, “হঠাতে ধোঁৱা বাঢ়িবলৈ ধৰিলে। আমি কেনেবাকৈ ট্ৰেইনৰ পৰা পলাই আহিলোঁ। কিছুমান মানুহ খিৰিকীৰ পৰা জঁপিয়াই পলাই গ’ল। বহুসময়ৰ পাছতো তাক নুমুৱাবলৈ কোনেও নাহিল। ট্ৰেইনত ব্যৱস্থা থাকিলে ততাতৈয়াকৈ জুই নিৰ্বাপিত হ’লহেঁতেন। হুলস্থুলৰ মাজতে ৰেলৰ পৰা নামি অহা প্ৰতিজন যাত্ৰী আহত হয়।
#বাৰ্তা ডেস্ক