‘ৰাজ্যত ড° হিমন্ত বিশ্ব শৰ্মাৰ চৰকাৰৰ আঁচনিয়ে ৰাইজৰ উপকাৰ কৰিছে’ -নৱ কুমাৰ দলে
নিয়মীয়া বাৰ্তা, ২৯ জানুৱাৰী : ‘অসমৰ সকলো জাতি জনগোষ্ঠীৰ ৰাইজৰ বাবে কেন্দ্ৰত নৰেন্দ্ৰ মোদী নেতৃত্বাধীন বিজেপি চৰকাৰে আৰু ৰাজ্যত ড° হিমন্ত বিশ্ব শৰ্মাৰ চৰকাৰে গ্ৰহণ কৰা আঁচনিয়ে ৰাইজৰ উপকাৰ সাধন কৰিছে আৰু তাৰ বাবেই আজি জাতি-ধৰ্ম-বৰ্ণ নিৰ্বিশেষে সকলো শ্ৰেণীৰ লোক বিজেপিৰ প্ৰতি আকৃষ্ট হৈছে আৰু ইয়াৰ ফলতেই ঢকুৱাখনাত ভাৰতীয় জনতা পাৰ্টিত বৃহৎ যোগদান কাৰ্যসূচী সম্পন্ন হৈছে৷’ এই মন্তব্য বিজেপিৰ ৰাজ্যিক উপ-সভাপতি তথা ঢকুৱাখনাৰ বিধায়ক নৱ কুমাৰ দলেৰ। বিজেপিৰ ঢকুৱাখনা জিলা সমিতিৰ উদ্যোগত সোমবাৰে ঢকুৱাখনা মহকুমা পুথিভঁৰাল প্ৰেক্ষাগৃহত অনুষ্ঠিত কৰা এক বিশাল যোগদান কাৰ্যসূচীত উপস্থিত থাকি জনতা পাৰ্টিৰ ৰাজ্যিক সমিতিৰ উপ-সভাপতিগৰাকীয়ে দেশৰ প্ৰধানমন্ত্ৰী নৰেন্দ্ৰ মোদী আৰু অসমৰ মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বত কেন্দ্ৰ আৰু ৰাজ্য চৰকাৰে লোৱা জনকল্যাণমুখী কাৰ্মসূচীৰ বাবে বিজেপি দলত যোগদান কৰা বুলি কয়। বিজেপিৰ ঢকুৱাখনা জিলা সমিতিৰ সভাপতি প্রদীপ চমুৱাৰ সভাপতিত্বত অনুষ্ঠিত বিশাল যোগদান অনুষ্ঠানত ৭৭নং ঢকুৱাখনা সমষ্টিৰ কংগ্ৰেছ,অসম গণ পৰিষদ, অসম জাতীয় পৰিষদ, ৰাইজৰ প্ৰাক্তন আছু,আদি দল সংগঠনৰ প্ৰায় তিনি সহস্ৰাধিকে বিজেপিত যোগদান কৰে ৷ বিজেপিৰ নীতি-আদৰ্শৰ প্ৰতি আকৃষ্ট হৈ দলত যোগদান কৰা লোকসকলক দলীয় টুপী আৰু গল বস্ত্ৰৰে আদৰণি জনাই এই নতুনকৈ যোগদান কৰা প্রত্যেকজন কার্যকর্তাকে ৰাষ্ট্র নির্মাণৰ এই যাত্রাত নিষ্ঠা সহকাৰে ব্রতী হ’বলৈ ৰাজ্যিক উপ-সভাপতিয়ে আহ্বান জনায়।যোগদান কাৰ্যসূচীত নিজৰ বক্তব্যত বিজেপিৰ জিলা সভাপতি প্রদীপ চমুৱাই দেশৰ ভবিষ্যত গঢ়োতা যুৱ সমাজক ভাৰতীয় জনতা পাৰ্টিয়ে সবলীকৰণক সদায় অগ্ৰাধিকাৰ প্ৰদান কৰি অহাৰ বাবেই বিজেপিৰ দলৰ নীতি-আদৰ্শৰ প্ৰতি আকৰ্ষিত হৈ যোগদান কৰি বিজেপিৰ দলটোৰ হাত আৰু শক্তিশালী কৰা বুলি কৈ নতুন কাৰ্যকৰ্তাক বিজেপি পৰিয়াললৈ আদৰনি জনাই নিজৰ নিজৰ অঞ্চলত বিজেপিৰ সাংগঠনিক দিশ সবল কৰিবলৈ আহ্বান জনায়।বিজেপিৰ ঢকুৱাখনা জিলা সমিতিৰ সম্পাদকদ্বয় হেমন্ত গগৈ আৰু জ্যোতি মিলিয়ে আতঁধৰা যোগদান কাৰ্যসূচীত বিজেপিৰ ৰাজ্যিক কাৰ্যনিৰ্বাহক সদস্য বসন্ত শইকীয়া,লখিমপুৰ জিলা পৰিষদৰ সভানেত্ৰী মঞ্জু বৰগোঁহাই,জ্যেষ্ঠ বিজেপি নেতা যতীন বৰুৱা, ঢকুৱাখনা মণ্ডল বিজেপিৰ সভাপতি সুনিল দলে,ঢকুৱাখনা পৌৰসভাৰ পৌৰপতি ৰাজীৱ দাস,যুৱ মৰ্চাৰ ঢকুৱাখনা জিলা সমিতিৰ সভাপতি বৃকোদৰ দাসকে ধৰি বিজেপিৰ বহুকেইজন বিষয়ববীয়া উপস্থিত থাকে।
প্ৰেৰক পুলকজ্যোতি বৰা