নিয়মীয়া বাৰ্তা, ১৪ ফেব্ৰুৱাৰী : বিদ্যাৰ অধিষ্ঠাত্ৰী দেৱী সৰস্বতীৰ বন্দনাত মুখৰ সমগ্ৰ ৰাজ্য। আজি দেৱী বন্দনাত মুখৰ হৈ পৰে টিপলাই অঞ্চলৰ শিক্ষানুষ্ঠানসমূহ । পুৱাৰে পৰা দেৱীৰ চৰণত এপাহ পুষ্পাঞ্জলি প্ৰদানৰ উদ্দেশ্যৰে টিপলাই উচ্চতৰ মাধ্যমিক বিদ্যালয়, টিপলাই শংকৰদেৱ শিশু নিকেতন, টিপলাই ভকতপাৰা মধ্য ইংৰাজী বিদ্যালয়, টিলাপাৰা প্ৰাথমিক বিদ্যালয়, পুৰণপাৰা প্ৰাথমিক বিদ্যালয়, পাটপাৰা মধ্য ইংৰাজী বিদ্যালয়ৰ লগতে বিভিন্ন শিক্ষানুষ্ঠানত ছাত্ৰ-ছাত্ৰীসকল উপস্থিত হয়। বিদ্যালয়সমূহ পুৱাৰে দেৱী বন্দনাত মুখৰ হৈ পৰে। পুৱা দেৱীৰ চৰণত পুষ্পাঞ্জলি প্ৰদানৰ পিছত নাম পৰিৱেশন কৰা হয়। সন্ধিয়া সাংস্কৃতিক অনুষ্ঠান অনুষ্ঠিত হয়।
প্ৰেৰক জ্যোতিষ নাথ