নিয়মীয়া বাৰ্তা, ১৫ ফেব্ৰুৱাৰী : বন ধ্বংস কৰি একাংশ দুষ্ট চক্ৰই চলাই গৈছে অবৈধ কাঠৰ ৰমৰমীয়া ব্যৱসায়। অবৈধ কাঠ সৰবৰাহৰ বিৰুদ্ধে অভিযান অব্যাহত ৰাখিছে এছ এছ বিয়ে । আজি দিনৰ ভাগত চিৰাং জিলাৰ বাতাবাৰীত এছ এছ বিৰ এটা দলে অভিযান চলায় । এছ এছ বিৰ দংশিয়াপাৰাস্থিত ১৫ নং বেটেলিয়ন ফাইটাৰ কোম্পানীৰ কমাণ্ডেন্ট উমেশ কুমাৰৰ নেতৃত্বত এটা এছ এছ বিৰ দলে অভিযান চলাই এ এছ-০১ ডিচি-১০৪৭ নম্বৰৰ এটা টাটা মোবাইল গাড়ীভৰ্তি কাঠৰ কুণ্ডা জব্দ কৰাৰ লগতে তিনিজনক আটক কৰে। আটক কৰা তিনিজন আব্দুল আজিদ (২৯), গোলাপ হুছেইন (২৬), মোফিজুৰ ৰহমান (২৮) । আটক কৰা তিনিওজনৰে ঘৰ বিজনীৰ ভাওৰাগুৰিত। পাছলৈ জব্দকৃত কাঠৰ কুণ্ডাসহ আটক কৰা তিনিওজনক বিজনী বন বিভাগৰ ডিপট কাৰ্যালয়ত চমজাই দিয়ে এছ এছ বিয়ে ।
প্ৰেৰক বৰ্ণালী তালুকদাৰ