নিয়মীয়া বাৰ্তা, ১৯ ফেব্ৰুৱাৰীঃ আৰক্ষীৰ গোপন খবৰৰ ভিত্তিত ৰাইজে খেদি খেদি আটক কৰিলে ড্ৰাগছ ব্যৱসায়ী এজন যুৱকক। গৰৈমাৰী আৰক্ষীৰ গোপন খবৰৰ ভিত্তিত ৰাইজে ধৰা পেলায় ড্ৰাগছ ব্যাৱসায়ীটোক। ধৃত যুৱকজনৰ পৰা উদ্ধাৰ হৈছে বৃহৎ পৰিমাণৰ ড্ৰাগছ।কামৰূপ জিলাৰ গৰৈমাৰী থানাৰ অন্তৰ্গত খাৰিদল ৰিজাৰ্ভত সংঘটিত হৈছে এই ঘটনা ৷ ড্ৰাগছ বিক্ৰী কৰিবলৈ আহি ৰাইজৰ হাতত ধৰা পৰে জোৰশিমুলীৰ ৰবিউল হুছেইন। ৰবিউল হুছেইনৰ পৰা ৪৫টা ড্ৰাগছভৰ্তি কন্টেইনাৰৰ লগতে উদ্ধাৰ হৈছে চাবোনৰ বাকচত ভৰাই ৰখা এক পেকেট হেৰোইন ৷ অৱশেষত গৰৈমাৰী আৰক্ষী ঘটনাস্থলীত উপস্থিত হৈ ড্ৰাগছসহ চমজি লয় যুৱক ৰবিউল হুছেইনক ৷ আটকাধীন যুৱকজন সম্প্ৰতি গৰৈমাৰী আৰক্ষীৰ জিম্মাত আছে ৷
প্ৰেৰক ভগৱান দাস