নিয়মীয়া বাৰ্তা, ২০ ফেব্ৰুৱাৰী : যোৱানিশা মৰিগাঁও জিলাৰ ভূৰাগাঁও আৰক্ষীয়ে এক গাঞ্জাবিৰোধী অভিযান চলায়। ভূৰাগাঁও আৰক্ষী থানাৰ ভাৰপ্ৰাপ্ত বিষয়া হেমন্ত বৰগোহাঁইৰ নেতৃত্বত ভূৰাগাঁৱৰ শিৱবাৰী নদীৰ ঘাটত চলোৱা অভিযানত এখন যন্ত্ৰচালিত নাওৰ পৰা গাঞ্জাসহ আটক কৰে এটা সৰবৰাহকাৰীক । আৰক্ষীয়ে জব্দ কৰা গাঞ্জাখিনিৰ ওজন ৯১.৯৬০ কেজি ৷ ধৃত গাঞ্জা সৰবৰাহকাৰীটোৰ নাম ৰাহুল আমিন ৷ ৰাহুলৰ ঘৰ মেৰবিল চৰত ৷ অধিক তথ্যৰ বাবে ভূৰাগাঁও আৰক্ষীয়ে জেৰা অব্যাহত ৰাখিছে ।
প্ৰেৰক আবুল কালাম