নিয়মীয়া বাৰ্তা, ২৬ ফেব্ৰুৱাৰীঃ যোৰহাটৰ উপায়ুক্তৰ বাসভৱনৰ কাষতে থকা ৮ খনকৈ দোকানত চোৰে চলালে চাফাই অভিযান । নিশা যোৰহাট ষ্টেডিয়ামৰ ৮ খনকৈ দোকানৰ ছাটাৰৰ তলা ভাঙি চোৰে লুট-পাত কৰাৰ লগতে লৈ যায় নগদ টকা । জানিব পৰা মতে , দুখন দোকানৰ মুঠ লক্ষাধিক টকা লৈ যোৱাৰ লগতে লণ্ড-ভণ্ড কৰে দোকানৰ সা-সামগ্ৰী ।
উল্লেখ্য যে, যোৰহাটৰ মাজভাগত অৱস্থিত এই দোকানকেইখনত চোৰে লুট-পাত চলাওতে প্ৰায় ২ ৰ পৰা ৩ ঘণ্টা সময় লাগিছিল বুলি দোকানৰ গৰাকীসকলে অনুমান কৰিছে । তেনে ক্ষেত্ৰত যোৰহাটৰ মাজমজিয়াত নিৰাপত্তা ব্যৱস্থাৰ ফোপোলা স্বৰূপটোৱে যেন পুনৰবাৰ উদঙাই দিলে এই চুৰিকাণ্ডই ।