নিয়মীয়া বাৰ্তা, ১৯ মাৰ্চ : ৰূপহীহাটত ড্ৰাগছৰ বিৰুদ্ধে আৰক্ষীৰ অভিযান অব্যাহত আছে৷ ৰূপহীহাট আৰক্ষী আৰু কাৱৈমাৰী আৰক্ষীয়ে যৌথভাৱে আজি এক গোপন সূত্ৰৰ পম খেদি কদমগুৰিত ড্ৰাগছৰ বিৰুদ্ধে চলায় এক অভিযান ৷ আৰক্ষীৰ অভিযানত এটা পিষ্টলসহ আটক হয় ড্ৰাগছ মাফিয়া শ্বৰিফুল ইছলাম ৷ শ্বৰিফুল ইছলামে দীৰ্ঘদিন ধৰি ড্ৰাগছ সৰবৰাহৰ লগত জড়িত আছিল ৷ ধৃত শ্বৰিফুল ইছলামৰ বাসগৃহৰ পৰা এটা ৭·৬২ এমএম পিষ্টল উদ্ধাৰ কৰে ৷ ৰূপহীহাট আৰক্ষীয়ে অধিক তথ্যৰ বাবে ধৃত শ্বৰিফুল ইছলামক জেৰা অব্যাহত ৰাখিছে ৷
প্ৰেৰক জহিৰুল ইছলাম