নিয়মীয়া বাৰ্তা, ২০ মাৰ্চ : উজনি অসমৰ অন্যতম আদিম তথা শক্তিশালী জনগোষ্ঠী মৰাণ জনগোষ্ঠীৰ স্ব-শাসন তথা স্ব-নিয়ন্ত্ৰণৰ বাবে অসমৰ চৰকাৰৰ দ্বাৰা গঠিত মৰাণ স্বায়ত্তশাসিত পৰিষদৰ মুখ্য কাৰ্যবাহী পাৰিষদ হিচাপে প্ৰাক্তন ছাত্ৰ নেতা তথা অসম যুৱ আয়োগৰ প্ৰাক্তন উপাধ্যক্ষ তথা অসম বিজেপি এগৰাকী আগশাৰীৰ নেতা অৰুণজ্যোতি মৰাণক দায়িত্ব অৰ্পণ কৰাৰ পিছত তিনিচুকীয়া বৰগুৰিস্থিত মৰাণ স্বায়ত্তশাসিত পৰিষদৰ কাৰ্যালয়ত উপস্থিত হয়। কাৰ্যালয়ত উপস্থিত হোৱাৰ পিছতে মৰাণ স্বায়ত্ত পৰিষদৰ বিষয়ববীয়াসকলৰ লগতে মৰাণ জনগোষ্ঠীৰ আটাইকেইটা সংগঠনৰ বিষয়ববীয়াই অৰুণজ্যোতি মৰাণক মৰাণ জনগোষ্ঠীয় গামোচাৰে শুভেচ্ছা জনোৱাৰ লগতে বৰগুৰিস্থিত হোটেল এৰʼমাত প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্ৰীৰ লগতে ডিব্ৰুগড় লোকসভা সমষ্টিৰ বিজেপি প্ৰাৰ্থী সৰ্বানন্দ সোণোৱালে মৰাণ স্বায়ত্তশাসিত পৰিষদৰ লগতে মৰাণ জনগোষ্ঠীৰ আটাইকেইটা সংগঠনৰ বিষয়ববীয়াক লগ ধৰি বাৰ্তালাপ কৰে লগতে নতুনকৈ দায়িত্ব লাভ কৰা অৰুণজ্যোতি মৰাণক শুভেচ্ছা জ্ঞাপন কৰে আৰু মৰাণ জনগোষ্ঠীৰ সৰ্বাঙ্গীণ উন্নয়নৰ হকে পৰিষদে ধাৰাবাহিক কাম কৰি যাবলৈ সক্ষম হ’ব বুলি আশা ব্যক্ত কৰে।
প্ৰেৰক অখিল চন্দ্ৰ বৰুৱা