নিয়মীয়া বাৰ্তা, ৪ এপ্ৰিলঃ বিলাসীপাৰাস্থিত ড০ বি আৰ আম্বেদকাৰ ভৱন পৰিচালনা সমিতিৰ উদ্যোগত আজিৰে পৰা সাতদিনীয়া বিহু কৰ্মশালা আৰম্ভ হৈছে৷ আজি এই কৰ্মশালা আনুষ্ঠানিকভাৱে মুকলি কৰে বিলাসীপাৰাৰ মহকুমাধিপতি সৃষ্টি সিঙে৷ ড০ বি আৰ আম্বেদকাৰ ভৱন পৰিচালনা সমিতিক সভাপতি দয়াল পালৰ পৰিচালনাত অনুষ্ঠিত সভাত বিলাসীপাৰা নগৰৰ পৌৰপতি মনালিচা দাস, স্থানীয় ৱাৰ্ড আয়ুক্ত প্ৰমুখ্যে কেইবাগৰাকী বিশিষ্ট ব্যক্তি উপস্থিত থাকে৷ আদৰণী ভাষণ দিয়ে ভৱন পৰিচালনা সমিতিৰ সম্পাদক ডা: কানুলাল দাসে৷ দীপেশ দাসে আঁত ধৰা সভাত বহুসংখ্যক প্ৰশিক্ষাৰ্থী তথা অভিভাৱক-অভিভাৱিকা উপস্থিত থাকে৷ উল্লেখযোগ্য যে সাতদিনীয়া এই কৰ্মশালাত প্ৰশিক্ষণ প্ৰদান কৰিব ডিব্ৰুগড়ৰ বিশিষ্ট বিহুনৃত্যৰ প্ৰশিক্ষক সঞ্জীৱ কোঁৱৰে ৷ সম্পূৰ্ণ বিনামূলীয়া এই প্ৰশিক্ষণৰ যাবতীয়া ব্যৱস্থাপনা ডা: কানুলাল দাসে কৰিব ৷
প্ৰেৰক সমৰেশ শীল শৰ্মা