নিয়মীয়া বাৰ্তা, ৬ এপ্ৰিল : বিজেপি দলৰ প্ৰতিষ্ঠা দিৱস উপলক্ষে আজি ধুবুৰীত এক বিশাল পদযাত্ৰা অনুষ্ঠিত কৰে দলটোৱে। বিজেপিৰ ধুবুৰীস্থ মুখ্য নিৰ্বাচনী কাৰ্যালয়ৰ পৰা দলটোৰ ধুবুৰী জিলা সভাপতি প্ৰসেনজিৎ দত্তৰ নেতৃত্বত আজি বিয়লি অনুষ্ঠিত হোৱা সেই পদযাত্ৰাত কেইবাশ পুৰুষ-মহিলাই অংশ লয়। ধুবুৰী চহৰৰ বিভিন্ন অঞ্চলৰ ৰাজপথ মুখৰিত কৰি পদযাত্ৰাটোৱে পুনৰ দলটোৰ মুখ্য নিৰ্বাচনী কাৰ্যালয়লৈ উভতি অহাৰ পিছত আজিৰ এই বিশেষ কাৰ্যসূচীৰ সমাপ্তি ঘটে।
প্ৰেৰক অমিতাভ চক্ৰৱৰ্তী