নিয়মীয়া বাৰ্তা, ১ মাৰ্চঃ বলীউডৰ মিষ্টাৰ পাৰফেকচনিষ্ট আমিৰ খান বৰ্তমান তেওঁৰ আহিবলগীয়া ছবি লাল সিং চদ্ধাৰ কামত ব্যস্ত হৈ আছে । বিগত সময়খিনিৰ ভিতৰত ছবিখনৰ শ্বটিঙৰ পৰা অভিনেতাজনৰ কেইবাখনো ফটো ভাইৰেল হৈছিল । য’ত তেওঁক দীঘল দাড়িৰ সৈতে দেখা গৈছিল । কিন্তু এতিয়া আমিৰ খানৰ যিখন ফটো পোহৰলৈ আহিছে সেইখন দেখি তেওঁক চিনি পাবলৈ কঠিন হৈ পৰিছে ।
ইপিনে আমিৰ খানৰ এই ছবিখনক লৈ দৰ্শকসকলো উৎসাহিত হৈ আছে । আনফালে ছবিখনত অভিনেতা আমিৰ খানৰ চৰিত্ৰক লৈ চৰ্চা চলি থকাৰ সময়তে বৰ্তমান সেনাৰ পোছাকত দেখিবলৈ পোৱা অভিনেতাজনক লৈ এতিয়া ছ’চিয়েল মিডিয়াত ব্যাপক চৰ্চা চলিছে ।