নিয়মীয়া বাৰ্তা, ১৩ মে’ : বৰপেটা জিলাৰ কলগাছিয়া থানাৰ অন্তৰ্গত শৰীয়াতপুৰ গাঁৱত আজি বৰপেটা আৰক্ষীয়ে অভিযান চলাই ড্ৰাগছসহ গ্ৰেপ্তাৰ কৰে তিনিজন ব্যৱসায়ীক। গ্ৰেপ্তাৰ হোৱা ড্ৰাগছৰ ব্যৱসায়ীকেইজন শৰীয়াতপুৰ গাঁৱৰ আমজাদ আলী, ববিদুল ইছলাম আৰু ছাহেব আলী। বৰপেটা আৰু কলগাছিয়া আৰক্ষী সহযোগত এক গোপন সূত্ৰৰ পম খেদি আমজাদ আলীৰ ঘৰত অভিযান তিনিটা চাবোনৰ বাকচত মুঠ ৩০.৮৫ গ্ৰাম ড্ৰাগছ জব্দ কৰে বুলি জানিব পৰা গৈছে। ঘটনাস্থলীত কলগাছিয়া ৰাজহ চক্ৰৰ চক্ৰ বিষয়া চন্দনা বৰুৱা বিৰকামিয়া উপস্থিত হৈ ড্ৰাগছসহ আচামীকেইজনক থানাত লৈ যায়। এই ঘটনাই সমগ্র অঞ্চলত তীব্ৰ চঞ্চল্য সৃষ্টি কৰিছে। উল্লেখ্য যে আমজাদ আলীয়ে ইয়াৰ পূৰ্বেও ড্ৰাগছৰ ব্যৱসায় কৰি গ্ৰেপ্তাৰ হোৱাৰ লগতে কেবাবাৰো জেলৰ ভাত খাবলগীয়া হৈছিল। এই ক্ষেত্ৰত ৰাইজে ড্ৰাগছৰ ব্যৱসায়ীকেইজনৰ চূড়ান্ত শাস্তিৰ দাবী কৰে।
প্ৰেৰক মফিদুল ইছলাম