নিয়মীয়া বাৰ্তা ৪ মাৰ্চঃ আজি ঘোষণা কৰা হ’ব মাধ্যমিক টেটৰ ফলাফল৷ অসম সর্বশিক্ষা অভিযানৰ ৱেবছাইটযোগে মাধ্যমিক টেটৰ ফলাফল উপলব্ধ হ’ব৷ টুইটাৰযোগে এই কথা সদৰী কৰিছে ৰাজ্যৰ শিক্ষামন্ত্রী ড০ হিমন্ত বিশ্ব শর্মাই৷ উল্লেখ্য যে ১৯ জানুৱাৰীত অনুষ্ঠিত হৈছিল মাধ্যমিক টেট৷ এই টেট পৰীক্ষাৰ বাবে প্রায় ৫৬ হাজাৰ পৰীক্ষার্থীয়ে পঞ্জীয়ন কৰিছিল৷ জিলাভিত্তিক মাধ্যমিক টেটৰ পৰীক্ষা অনুষ্ঠিত কৰা হৈছিল৷ অনলাইন আবেদন কৰাৰ সময়ত প্রার্থীয়ে নির্বাচন কৰি দিয়া জিলাতে প্রার্থীসকলক পৰীক্ষা দিবলৈ সুযোগ প্রদান কৰা হৈছিল৷ মুঠ পাঁচটা ভাষাৰ ক্রমে অসমীয়া, বাংলা, বড়ো, হিন্দী আৰু মণিপুৰীত টেট পৰীক্ষা অনুষ্ঠিত হৈছিল৷ মুঠ ২০০ নম্বৰৰ পৰীক্ষাত প্রার্থীসকল অৱতীর্ণ হৈছিল৷