আজি ৩০ অক্টোবৰ, কাতি মাহৰ ১৩ তাৰিখ
বুধবাৰঃ তিথি–কৃষ্ণা ত্রয়োদশী, নক্ষত্রঃ হস্তা, যাত্রাঃ নাই
মেষঃ মঙলৰ শুভ প্রভাৱত ধন আৰু সম্পত্তি লাভৰ যোগ দেখা যায়৷ দিনটোত কিবা কাৰণতে মানসিক দুখ পাব পাৰে৷ প্রেম–প্রণয়ত সাফল্য আহিব৷ আর্থিক ক্ষেত্রত মধ্যম ফলদায়ক হ’ব৷ শুভ ৰং ৰঙা৷
বৃষঃ পাৰিবাৰিক সুখ আৰু সমৃদ্ধি বজাই থাকিব৷ কিবা কাৰণত অর্থ ক্ষতিৰ সম্ভাৱনা দেখা যায়৷ সম্পদপ্রাপ্তিৰো যোগ আছে৷ পুত্র–কন্যাৰ উন্নতিৰ যোগ৷ শাৰীৰিক কষ্ট ভোগ কৰিব পাৰে৷ বিদ্যার্থীৰ মধ্যম ফলদায়ক৷ শুভ ৰং নীলা৷
মিথুনঃ বুধৰ শুভ প্রভাৱত কর্মত সুখ্যাতি লাভৰ যোগ৷ হিংস্র জীৱ–জন্তুৰ পৰা সতর্কতা অৱলম্বন কৰিব৷ সামাজিক ক্ষেত্রত সন্মান বৃদ্ধিৰ যোগ৷ অযথা অর্থ ব্যয় হ’ব পাৰে৷ ব্যৱসায়ত মধ্যম ফল আশা কৰিব পাৰে৷ শুভ ৰং হালধীয়া৷
কর্কটঃ পিতৃ–মাতৃৰ কাৰণে চিন্তা থাকিব৷ কোনোবাই মিছা অপবাদ দিব পাৰে৷ যান–বাহন লাভৰ যোগ দেখা যায়৷ দিনটোত কিবা কাৰণত হতাশাত ভুগিব পাৰে৷ পৰীক্ষার্থীৰ শুভ ফলদায়ক হ’ব৷ শুভ ৰং সেউজীয়া৷
সিংহঃ অশুভ ৰাহুৰ কাৰণে ন্যায্য ধনপ্রাপ্তিৰ ক্ষেত্রত বাধা থাকিব৷ চোৰৰ পৰা সতর্ক থাকিব৷ ভাতৃৰ কাৰণে ক্ষতিগ্রস্ত হ’ব পাৰে৷ আর্থিক ক্ষেত্রত উন্নতিৰ যোগ আছে যদিও ৰাহুৰ বাধা থাকিব৷ বিদ্যার্থীৰ চঞ্চলতা বৃদ্ধি পাব৷ শুভ ৰং ক’লা৷
কন্যাঃ বুধৰ প্রভাৱত ব্যৱসায়–বাণিজ্য আৰু আর্থিক ক্ষেত্রত কিছু হ’লেও পৰিৱর্তন আহিব৷ ঘৰত প্রিয়জনৰ আগমনৰ ফলত মানসিক আনন্দ লাভ৷ চাকৰিয়ালসকলে কর্তব্য পালনৰ ক্ষেত্রত সতর্ক থাকিব৷ শুভ ৰং মেৰুণ৷
তুলাঃ সন্তানৰ কাৰণে পিতৃ–মাতৃৰ চিন্তা থাকিব৷ দিনটো বিশেষ শুভ বুলি ক’ব নোৱাৰি৷ উচ্চ বিদ্যা লাভৰ উদ্দেশ্যত বাহিৰলৈ যোৱাৰ যোগ৷ শুভ ৰং কমলা৷
বৃশ্চিকঃ অযথা কোনোবাৰ লগত বিবাদত জড়িত হ’ব পাৰে৷ অশুভ শনিৰ প্রভাৱত বিদ্যার্থীৰ বুদ্ধি নাশৰ যোগ৷ কর্মক্ষেত্রত পদপ্রাপ্তিৰ যোগ আছে যদিও অপ্রত্যাশিতভাৱে বাধা পৰিব পাৰে৷ আর্থিক ক্ষেত্রত মধ্যম ফলদায়ক৷ শুভ ৰং সেউজীয়া৷
ধনুঃ বুধৰ শুভ প্রভাৱত কর্মক্ষেত্রত পদোন্নতিৰ যোগ৷ পাৰিবাৰিক ক্ষেত্রত খেলিমেলি হ’ব পাৰে৷ মনৰ কোনো আশা পূৰণ হ’ব পাৰে৷ বন্ধুৰ লগত মতবিৰোধ দেখা দিব পাৰে৷ শৰীৰৰ প্রতি লক্ষ্য ৰাখিব৷ শুভ ৰং বগা৷
মকৰঃ শনিৰ অশুভ প্রভাৱৰ ফলত আর্থিক সংকটত পৰিব পাৰে৷ পেট সংক্রান্ত কিবা সমস্যা দেখা দিব পাৰে৷ বিদ্যার্থীৰ শুভ ফলদায়ক হ’ব৷ শুভ ৰং সোণালী৷
কুম্ভঃ পাৰিবাৰিক ক্ষেত্রত শুভ ফলদায়ক হ’ব৷ ভ্রমণত সমস্যা দেখা দিব পাৰে৷ গৃহ নির্মাণৰ পৰিকল্পনা কৰিব পাৰে৷ আর্থিক সংকটত ভুগিব পাৰে৷ ব্যৱসায়–বাণিজ্যত ভবা মতে ফল নাপাব৷ বিদ্যার্থীৰ মধ্যম ফলদায়ক৷ শুভ ৰং গুলপীয়া৷
মীনঃ কর্মক্ষেত্রত সন্মান বৃদ্ধিৰ যোগ৷ পাৰিবাৰিক বিবাদৰ ফলত মনৰ গতি ভালেৰে নাযাব৷ ভ্রমণত শাৰীৰিক সমস্যা দেখা দিব পাৰে৷ আয়–উন্নতিৰ বাবে দিনটো মধ্যম ফলদায়ক হ’ব৷ প্রেম–প্রীতিৰ ক্ষেত্রত সমস্যা থাকিব৷ শুভ ৰং বেঙুনীয়া৷