নিয়মীয়া বাৰ্তা, ১০ মাৰ্চঃ বিশ্বজুৰি ত্ৰাসৰ কাৰণ হৈ পৰা ক’ৰোনা ভাইৰাছৰ বাবে সাময়িকভাৱে ৭০ হাজাৰ বন্দীক মুকলি কৰি দিয়া হৈছে ইৰানত । দেশখনৰ বিচাৰ ব্যৱস্থাৰ প্ৰধান ইব্ৰাহিম ৰাইচিয়ে জনোৱা অনুসৰি সাময়িকভাৱে ক’ৰোনা ভাইৰাছৰ আতংকৰ বাবে মুক্ত কৰি দিয়া হৈছে ৭০ হাজাৰ বন্দীক ।
জন হপকিন্স বিশ্ববিদ্যালয়ৰ ক’ৰোনা ভাইৰাছ ৰিচাৰ্ছ চেণ্টাৰৰ তৰফৰ পৰা জনোৱা হৈছে যে, ইৰানত ৬ হাজাৰ মানুহ ক’ৰোনাত আক্ৰান্ত হৈছে । মুঠ জনসংখ্যাৰ প্ৰতি ১২ হাজাৰ জনৰ এজন লোক আক্ৰান্ত হৈছে এই ভাইৰাছত ।