নিয়মীয়া বাৰ্তা ডিজিটেল, ২১ নৱেম্বৰঃ মধ্যপ্রদেশত মহিন্দ্রা থাৰ ক্রয়ৰ পাছতে উছাহতে এজন লোকে ৰাইফলেৰে শূন্যলৈ গুলী চলোৱা ভিডি’ সামাজিক মাধ্যমত ভাইৰেল হৈছে৷ যশপাল সিং পাৱাৰ নামৰ লোক এজনে ইনষ্টাগ্রামত নতুনকৈ ক্রয় কৰা ফুলেৰে সজ্জিত থাৰ এখনত লোক এজনে উছাহতে ৰাইফলেৰে শূন্যলৈ গুলী চলায়৷ যোৱা ১৮ নৱেম্বৰত ৰাজ্যখনৰ মহিন্দ্রাৰ শ্ব’ৰুম এটাৰ সন্মুখতে এই ঘটনাটো সংঘটিত হৈছে৷ সামাজিক মাধ্যমত ভিডি’টো প্রচাৰ হোৱাৰ পাছতে মধ্যপ্রদেশ আৰক্ষীয়ে এই ভিডি’ পৰীক্ষা কৰি ব্যৱস্থা গ্রহণৰ আশ্বাস দিছে৷ ঘটনাটোৱে সাধাৰণ জনতাৰ সুৰক্ষা আৰু নিৰাপত্তাৰ প্রতিও ভাবুকি কঢ়িয়াই আনিছে বুলি একাংশই মন্তব্য কৰিছে৷